Dita e sotme, e shtunë, 17 janar 2026, do të karakterizohet nga mot kryesisht i vranët në të gjithë territorin e vendit. Gjatë orëve të mëngjesit, në zona të ndryshme, veçanërisht në lugina dhe ultësira, pritet të ketë prezencë të mjegullës, e cila mund të kufizojë përkohësisht dukshmërinë.
Gjatë ditës, në disa zona të izoluara nuk përjashtohet mundësia e reshjeve të dobëta shiu, ndërsa në orët e mbrëmjes, për shkak të rënies së temperaturave, mund të shfaqen edhe fjolla bore sporadike, kryesisht në zonat më të larta.
Era do të fryjë nga drejtime të ndryshme me shpejtësi mesatare 10 deri në 25 km/h, duke krijuar ndjesi më të ftohtë të motit.
Sa i përket temperaturave, ato do të shënojnë rënie të lehtë. Vlerat minimale do të zbresin nga -2 deri në 1 gradë Celsius, ndërsa temperaturat maksimale do të luhaten nga 4 deri në 7 gradë Celsius.
