Mesfushori i Real Madridit, Franco Mastantuono, e ka pranuar se po ndjehet më i lirë në lojë nën drejtimin e trajnerit të ri, Alvaro Arbeloa.
Ky i fundit mori drejtimin e skuadrës madrilene më herët gjatë këtij muaji, pas largimit të Xabi Alonsos, dhe debutoi me fitore bindëse ndaj Villarrealit në fundjavë.
Mastantuono ka qenë një nga lojtarët më të spikatur nën drejtimin e Arbeloas dhe në një prononcim për “El Partidazo”, ai ka vlerësuar besimin që po merr nga stafi i ri teknik.
“Alvaro Arbeloa dhe i gjithë stafi i tij teknik më japin shumë besim. Kjo është gjëja më e rëndësishme për një lojtar dhe për këtë arsye po luaj me pak më shumë liri”, u shpreh Mastantuono.
Ai falënderoi gjithashtu edhe stafin e mëparshëm, duke përfshirë Xabi Alonson, për rolin që ka pasur në afrimin e tij te Real Madridi.
“Jam mirënjohës edhe për këtë staf, por edhe për Xabi Alonson, i cili pati besim tek unë dhe më solli te Real Madridi”, shtoi mesfushori
