Thashethemet rreth të ardhmes së Cole Palmer kanë filluar të qarkullojnë me këmbëngulje, duke nxitur dyshime rreth njërit prej lojtarëve më ikonikë të Chelsea. Midis problemeve të supozuara fizike, frustrimit personal dhe dëshirës për t’u rikthyer në qytetin e tij të lindjes, Manchester, emri i anësorit anglez është gjetur në qendër të vëmendjes mediatike.
Trajneri i Chelsea, Liam Rosenior, ka folur për këtë çështje në prag të ndeshjes së sotme në Champions League kundër Napoli. “Cole është një lojtar i jashtëzakonshëm dhe është plotësisht i përkushtuar ndaj Chelsea. Thashethemet lindin nga askund dhe nuk meritojnë vëmendje të mëtejshme“, tha Rosenior.
“Këto thashetheme po përpiqen të krijojnë tensione të panevojshme. Mund të konfirmoj se nuk ka asnjë pakënaqësi ose një largim të afërt nga ana e lojtarit. Edhe pse ai nuk luan sot në Champions, ai është i lumtur, i motivuar dhe i vendosur të vazhdojë të rritet me fanellën e Chelsea. Asgjë tjetër nuk ka rëndësi”, tha Rosenior.
