2 
Një krim i rëndë ka ndodhur të premten në Leoben të Steiermarkut.
Një fëmijë 11-vjeçar dyshohet se është vrarë nga nëna e tij, raportojnë mediat austriake.
Ngjarja e rëndë është zbuluar pas një telefonate emergjente të pranuar pasdite, në të cilën raportohej për një grua të plagosur.
Rreth orës 15:00, ekipet e shpëtimit kanë mbërritur në një adresë pranë Spitalit Rajonal të Leobenit, ku janë përballur me një skenë të rëndë.
Fëmija 11-vjeçar është gjetur pa shenja jete. Sipas gazetës “Krone”, dyshohet se nëna ia ka prerë fytin djalit të saj.
Gruaja e plagosur dyshohet të jetë vetë autorja e krimit. Bëhet fjalë për një 39-vjeçare, e cila thuhet se ka pësuar edhe plagë të shkaktuara nga vetja.
