Kryetari i AAK-së, Ramush Haradinaj, ka deklaruar se porosia e tij në Kongresin Amerikan, në kuadër të Forumit Ndërparlamentar të Sigurisë në Capitol Hill, ka qenë e qartë dhe e shkurtër: “Koha është tani”.
Duke iu drejtuar kongresmenëve amerikanë, miqve dhe bashkëpunëtorëve, Haradinaj ka falënderuar Shtetet e Bashkuara të Amerikës për mbështetjen e vazhdueshme ndaj Kosovës dhe rrugëtimit të saj drejt anëtarësimit në NATO.
Ai ka theksuar se Kosova ka implementuar Planin dhjetëvjeçar për zhvillimin e Ushtrisë së saj, në bashkëpunim të ngushtë me SHBA-në, duke nënvizuar se Forca e Sigurisë së Kosovës dhe institucionet e tjera të sigurisë bazohen në standardet e NATO-s dhe të SHBA-së.
Sipas Haradinajt, Kosova është e gatshme të kontribuojë në fushën e sigurisë dhe plotëson kushtet për anëtarësim në NATO.
“Ne jemi gati për anëtarësim në NATO. Koha është tani,” ka deklaruar Haradinaj
