Policia e Kosovës është aktivizuar për ta kapur të dyshuarin në Isniq të Deçanit, i cili mesditën e së enjtes dyshohet se tentoi ta privonte nga jeta babanë e tij.
Zëdhënësi i Prokurorisë Themelore në Pejë, Shkodran Nikçi tha për Klan Kosova se rasti është cilësuar si “vrasje në tentativë”,
I njëjti shtoi se viktima, pasi është goditur me sëpatë dhe u trajtua në spital, tashmë gjendet jashtë rrezikut për jetë.
Prokurorja e krimeve të rënda ka autorizuar policinë për lokalizimin e personit të dyshuar”, ka thënë Nikçi
E rëndë në Deçan, djali dyshohet se goditi me sëpatë babain
Një rast i rëndë ka ndodhur mesditën e së enjtes në Deçan, ku dyshohet se i biri ka goditur me sëpatë babanë e tij.
Ndërkohë, zëdhënësi i policisë për rajonin e Pejës, tha për Klanin se i lënduari është duke u trajtuar, dhe i njëjti ka lëndime serioze.
“Policia ka dalë në vendin e ngjarjes për sigurim, pas trajtimit në QMF është udhëzu për në Pejë, është edhe prokurorja e shtetit që ka kontaktu viktimën aty, dhe është njoftuar me lëndimet. Është urdhëruar rasti të trajtohet sektori i hetimeve rajonale. Nuk ka ende person të arrestuar”, tha ai.
