15 
Merkato e Napolit mund të mos jetë mbyllur ende, me një mundësi që vjen nga lista e lojtarëve të lirë.
Raheem Sterling, i cili është larguar nga Chelsea, po kërkon një skuadër të re për të vazhduar karrierën.
Mediat angleze raportojnë se mes Napolit dhe sulmuesit anglez ka pasur kontakte paraprake. Sterling do të ishte i gatshëm të ulë pretendimet ekonomike për të gjetur një marrëveshje.
Një faktor favorizues mund të jetë edhe miqësia e tij me Kevin De Bruyne, me të cilin ka luajtur për shtatë vite te Manchester City.
Paga mbetet pengesa kryesore për klubin italian. Në Chelsea, Sterling përfitonte rreth 19 milionë euro në sezon, një shifër e papërballueshme për Napolin. Në rast të një uljeje të ndjeshme të pagës, pista mund të rihapet.
