Një incident misterioz ka tronditur Lojërat Olimpike Dimërore në Cortina d’Ampezzo. Në ditën e parë zyrtare të garave, policia dhe prokuroria italiane ndërhynë në pistën e bobit pas dyshimeve për sabotim.
Teknikët zbuluan kabllo të ndërruara në gjeneratorin e emergjencës në Sliding Center, ku zhvillohen garat e bobit, skeletonit dhe rodelit. Carabinierët nisën menjëherë hetimet, ndërsa zona u sigurua nga forcat e rendit. Autoritetet po shqyrtojnë nëse bëhet fjalë për manipulim të qëllimshëm apo thjesht një defekt teknik.
Ky nuk është rasti i parë i dyshimeve për sabotim në pistën e bobit. Më herët, pjesë të saj ishin dëmtuar ose hequr qëllimisht, duke nxitur akuza për sulm ndaj vetë Olimpiadës.
Organizatorët theksuan se aktivitetet sportive nuk janë prekur, por ngjarja ka krijuar pasiguri në prapaskenat e lojërave. Hetimet vazhdojnë./Blick
