Nuk mbaron me Jasharin, një tjetër yll shqiptar bëhet Rosoner.
Pavarësisht se është në garë të fortë për titullin kampion në Serie A, te Milan janë të vetëdijshëm se kanë nevojë për disa përforcime, për të qenë kompetitiv në të gjitha garat sezonin e ardhshëm.
Mediat italiane zbulojnë se drejtori sportiv i kuqezinjve, Igli Tare, po planifikon një goditje nga Hoffenheim.
Bëhet fjalë për mesfushorin kosovar, Leon Avdullahu, i cili po shkëlqen në Bundesligë këtë sezon.
Që nga transferimi i tij te Hoffenheim, Avdullahu po shkëlqen dhe me paraqitjet e tij ka tërhequr vëmendjen e Milanit dhe Tottenham.
Hoffenheim është në garë për tu kualifikuar në Champions League sezonin e ardhshëm dhe drejtuesit e klubit gjerman e vlerësojnë kartonin e Avdullahut 40 milionë euro.
