Ramush Haradinaj nuk do të garojë më për kryetar të Aleancës për Ardhmërinë e Kosovës (AAK), duke hapur rrugën për kandidatura të reja brenda partisë.
Pas këtij vendimi, Ardian Gjini ka shpallur zyrtarisht kandidaturën e tij për kreun e AAK-së. “Për momentin e kam shprehur synimin, por mund të ketë edhe kandidatura të tjera në këta tre muaj,” tha Gjini gjatë shpalljes së kandidaturës.
Vendimi i Haradinajt shënon një moment të rëndësishëm në zhvillimet politike brenda AAK-së, ndërsa zgjedhjet për kryetar pritet të zhvillohen në muajt e ardhshëm. Kandidatura e Gjinit vjen si hap i parë zyrtar për garën, ndërsa pritet që edhe figura të tjera nga radhët e partisë të vendosin për pjesëmarrjen e tyre.
Kjo lëvizje politiko-organizative pritet të ndikojë në dinamikën e partisë dhe strategjitë e saj për zgjedhjet e ardhshme në nivelin qendror dhe lokal.
