Kryeministri i Kosovës, Albin Kurti, ka pritur sot në takim të Ngarkuarën me Punë të Ambasadës së Shteteve të Bashkuara të Amerikës në Kosovë, Anu Prattipati.
Sipas njoftimit të Zyrës së Kryeministrit, Prattipati e uroi Kurtin për formimin e Qeverisë dhe nisjen e mandatit të ri, ndërsa gjatë takimit u diskutua për marrëdhëniet bilaterale dhe potencialin e bashkëpunimit mes dy vendeve.
Në fokus të bisedës ishin fusha si tregtia dhe investimet, sundimi i ligjit, siguria dhe integrimi euro-atlantik. Palët vlerësuan bashkëpunimin e deritanishëm dhe mundësitë për thellimin e tij në të ardhmen.
Kryeministri Kurti shprehu mirënjohje për urimet dhe për bashkëpunimin me Ambasadën amerikane, duke theksuar gatishmërinë e Qeverisë për të avancuar më tej raportet ndërmjet Republika e Kosovës dhe Shtetet e Bashkuara të Amerikës.
Gjatë takimit, Kurti ritheksoi përkushtimin e Kosovës ndaj integrimit në Bashkimin Evropian dhe në NATO, si dhe angazhimin për paqe, siguri rajonale dhe aleanca të ndërtuara mbi vlera demokratike.
