Një ngjarje e rëndë ka tronditur Italinë, ku një 85-vjeçar ka sulmuar me hanxhar nusen e djalit të tij, duke e goditur rreth dhjetë herë në kokë dhe dorë.
Sipas mediave italiane, 41-vjeçarja ndodhet në gjendje të rëndë, por jashtë rrezikut për jetën. Ngjarja ka ndodhur mëngjesin e sotëm në Via di Bravetta, ku gruaja sapo kishte çuar fëmijët në shkollë kur është përballur me vjehrrin e saj në rrugë.
Sipas autoriteteve, i moshuari e ka sulmuar papritur me mjet prerës. Dyshohet se motivi i sulmit lidhet me kundërshtimin e tij ndaj divorcit të 41-vjeçares nga djali i tij.
Policia ka nisur hetimet për zbardhjen e plotë të rrethanave të ngjarjes.
