Nënkryetarja e Kuvendit të Kosovës nga grupi multietnik, Emilija Rexhepi, ka bërë të ditur se çështja e zgjedhjes së presidentit është diskutuar edhe me kryeministrin Albin Kurti, por pa u përmendur ndonjë emër konkret.
Në një prononcim për KP-në, Rexhepi ka treguar se biseda me Kurtin është zhvilluar gjatë një iftari në Prizren, dy net më parë. Sipas saj, aktualisht pritet që Lëvizja Vetëvendosje, si partia më e madhe në vend, të dalë me qëndrimin e saj zyrtar.
“Kemi folur edhe me kryeministrin Kurti, ai u kon në një iftar me neve në Prizren para dy netëve dhe e presim çka do të vendos Vetëvendosje si partia e madhe… Jo, jo hala s’kemi folur as për një emër”, është shprehur Rexhepi.
Deklarata e saj vjen në një kohë kur skena politike po hyn në fazën e diskutimeve për pasardhësin e presidentit aktual, ndërsa partitë ende nuk kanë prezantuar kandidatura zyrtare.
