20 
Të shtunën, më 28 shkurt 2026, vendi do të përfshihet nga mot kryesisht me diell, duke krijuar kushte të favorshme për aktivitete në natyrë. Përjashtim do të bëjnë zonat lindore dhe juglindore, ku në orët e para të mëngjesit priten vranësira të ulëta, të cilat do të shpërndahen gradualisht gjatë ditës.
Në orët e hershme parashihet edhe acar, sidomos në zonat e ulëta dhe ato malore, çka mund të ndikojë në qarkullimin rrugor.
Era do të fryjë nga drejtime të ndryshme me shpejtësi prej 8 deri në 23 kilometra në orë.
Temperaturat minimale do të lëvizin nga -4 deri në 2 gradë Celsius, ndërsa maksimalet e ditës pritet të arrijnë nga 13 deri në 16 gradë Celsius, duke sjellë një ndjesi më të butë pranverore gjatë mesditës.
