Presidenti i Serbi, Aleksandar Vuciq, deklaroi se sulmet e Shtetet e Bashkuara dhe Izraelit ndaj Iran do të kenë “pasoja afatgjata në skenën politike globale”, duke i krahasuar ato me bombardimet e NATO-s kundër Jugosllavisë në vitin 1999.
Në një intervistë për një televizion privat, Vuçiç tha se qëllimi i sulmeve është rrëzimi i qeverisë iraniane, njësoj siç, sipas tij, objektivi në vitin 1999 ishte rrëzimi i Slobodan Millosheviq. Ai argumentoi se bëhet fjalë për një përpjekje për ndryshim regjimi dhe për orientimin e Iranit drejt “vlerave perëndimore”.
Presidenti serb shtoi se SHBA-të mund të synojnë t’i imponojnë Iranit një model qeverisjeje të ngjashëm me atë të Venezuelës, duke aluduar për vendosjen e një figure politike të pranueshme për Perëndimin. Sipas tij, “ligji i fuqisë” po mbizotëron në marrëdhëniet ndërkombëtare dhe e drejta ndërkombëtare po anashkalohet.
Vuçiq theksoi se ndryshimet “tektonike” në rendin global kërkojnë që vendet e vogla të përgatiten për sfida të reja sigurie. Ai njoftoi se Serbia do të vazhdojë forcimin e kapaciteteve të saj ushtarake dhe se në muajt e ardhshëm do të bëhen publike blerje të reja të sistemeve të avancuara të mbrojtjes ajrore.
