Modelja e njohur Adrola Dushi ka bërë një urim publik për partnerin e saj, reperin Capital T, me rastin e ditëlindjes së tij.
Përmes një postimi në rrjetet sociale, ku shfaqet në një foto krah tij, Adrola ka shkruar: “Gëzuar ditëlindjen, dhurata më e madhe për këdo që është me fat të të takojë”.
Ky dedikim i ëmbël dhe plot dashuri ka marrë menjëherë vëmendjen e ndjekësve, të cilët kanë mbushur seksionin e komenteve me urime për çiftin.
Urimi vjen pasi dyshja konfirmoi zyrtarisht marrëdhënien e tyre, e cila ishte përfolur në media prej disa vitesh. Tashmë, ata nuk hezitojnë ta ndajnë lumturinë e tyre edhe publikisht, duke e bërë lidhjen një nga më të komentuarat në showbizin shqiptar.
