Kryeministri i Kosovës, Albin Kurti, ka zhvilluar dje një takim me presidenten Vjosa Osmani, në kuadër të përpjekjeve për tejkalimin e ngërçit politik rreth zgjedhjes së kreut të shtetit.
Takimi mes tyre ka ardhur pas diskutimeve që Kurti pati po ashtu me kryetarin e Lidhja Demokratike e Kosovës, Lumir Abdixhiku. Sipas burimeve të Klankosova.tv, biseda mes Kurtit dhe Osmanit ka zgjatur rreth një orë.
Jozyrtarisht, mësohet se në fokus të takimit kanë qenë opsionet konkrete për tejkalimin e situatës aktuale, përfshirë koordinimin institucional dhe hapat që duhet të ndërmerren para skadimit të afatit kushtetues.
Kanë mbetur edhe dy ditë deri në përfundimin e afatit për zgjedhjen e Presidentit të ri, ndërsa partitë parlamentare ende nuk kanë arritur një marrëveshje për të siguruar 80 votat e nevojshme në dy raundet e para të votimit në Kuvendi i Kosovës.
5 marsi është dita e fundit kur deputetët duhet ta zgjedhin Presidentin, në të kundërtën vendi mund të përballet me zhvillime të reja politike.
