Osmani sot do t’i ftojë liderët e partive për datën e zgjedhjeve të reja

Pas shpërndarjes së Kuvendit, presidentja e Kosovës sot do t’i ftojë liderët e partive politike në takim konsultativ, dhe më pas do të caktojë edhe datën e zgjedhjeve të reja.

“Menjëherë sot do të ftohen liderët e partive për datën e zgjedhjeve, sepse siç e dini është obligim që të konsultohemi paraprakisht dhe është pasojë e nevojshme menjëherë pas shpërndarjes së Kuvendit që të shpallen edhe zgjedhjet e reja. Por paraprakisht duhet një konsultim formal me partitë politike dhe menjëherë pas kësaj do të caktohet data. Unë do të kem mundësi t’iu përgjigjem pyetjeve pasdite”, tha ajo.