15 
Të paktën katër persona kanë humbur jetën dhe më shumë se dhjetë të tjerë janë plagosur pasi disa tornado goditën shtetin verior të Michiganit në Shtetet e Bashkuara, sipas autoriteteve dhe mediave lokale amerikane.
Një person vdiq në Qarkun Cass, në skajin jugperëndimor të shtetit, ndërsa disa persona të tjerë pësuan lëndime, bëri të ditur sherifi lokal.
Sipas televizionit lokal WTVB, duke cituar të njëjtin burim, një tjetër tornado që goditi zonën pranë Union City, në jug të Michiganit, shkaktoi tre viktima dhe plagosi 12 persona.
Stuhitë e forta kanë shkaktuar dëme të konsiderueshme në disa zona, duke shkatërruar banesa dhe duke rrëzuar linja energjie.
