Kryetari i Komunës së Malishevës, Ekrem Kastrati, ka pritur në një takim informues komandantin e Komandës Rajonale-Perëndim të misionit të KFOR, Kolonelin Frederico Mora, i cili së fundmi ka marrë detyrën.
Me këtë rast, Kastrati i uroi mirëseardhje kolonelit Mora dhe e falënderoi KFOR-in për kontributin e dhënë në ruajtjen e sigurisë në Kosovë, në veçanti kontingjentin italian për mbështetjen e vazhdueshme. Njëkohësisht, ai e uroi Morën për detyrën e re në krye të komandës rajonale.
Gjatë takimit, kryetari Kastrati e informoi komandantin Mora për zhvillimet e përgjithshme në komunën e Malishevës, përpjekjet institucionale për zhvillimin dhe përmirësimin e mirëqenies së qytetarëve, si dhe për situatën e sigurisë në këtë komunë.
Sipas tij, situata e sigurisë në komunë është e qetë dhe stabile, pa tendencë përkeqësimi.
Nga ana e tij, Kolonel Frederico Mora falënderoi kryetarin Ekrem Kastrati për pritjen dhe vlerësoi bashkëpunimin e mirë ndërmjet Komunës së Malisheva dhe KFOR.
Ai gjithashtu shprehu gatishmërinë për të vazhduar bashkëpunimin edhe në të ardhmen, duke theksuar mbështetjen e KFOR për të gjitha komunitetet që jetojnë në Kosovo, në përputhje me mandatin e këtij misioni.
