Kryeministri Albin Kurti ka zhvilluar sot një takim të përbashkët të kabinetit të tij qeveritar, i cili pritet të zgjasë për dy ditë rresht. Sipas Kurtit, qëllimi kryesor i këtij takimi është shndërrimi i premtimeve të dhëna gjatë fushatës dhe në ekspozenë parlamentare në program konkret qeverisës.
“Në dritë të kësaj, sot kemi filluar një takim të përbashkët të kabinetit tonë qeveritar, i cili do të vazhdojë për dy ditë rresht, me qëllim që zotimet e fushatës para qytetarëve dhe ekspozenë e prezantuar para deputetëve t’i shndërrojmë në program qeverisës. Zotime që kthehen në program dhe program që përkthehet në plane me projekte, qëllime me objektiva, strategji me operacione, masa me punë të përditshme që do të realizohen përgjatë këtij mandati,” ka shkruar Kurti.
Ky takim synon përcaktimin e planeve konkrete dhe objektivave strategjike për realizimin e politikave të qeverisë gjatë këtij mandati, duke përfshirë masa operative dhe projekte prioritare për sektorët kyç të vendit.
