Spitali i Përgjithshëm i Pejës ka bërë apel për kujdes të shtuar në ushqyerje gjatë festës së Bajramit, duke theksuar rëndësinë e ruajtjes së balancës ushqimore në këtë periudhë festive.
Përmes një njoftimi të publikuar në Facebook, ky institucion ka rikujtuar se festat karakterizohen nga tryeza të pasura me ushqime, por konsumimi i tepërt mund të ketë ndikim negativ në shëndet.
Në mesazhin e tyre, qytetarëve u bëhet thirrje që të shijojnë ushqimin me masë dhe të ruajnë zakonet e shëndetshme të të ushqyerit. Sipas spitalit, mirëqenia shëndetësore lidhet drejtpërdrejt me mënyrën e jetesës dhe kujdesin e përditshëm.
Autoritetet shëndetësore theksojnë se ndërgjegjësimi gjatë festave është thelbësor për të shmangur problemet shëndetësore që mund të vijnë si pasojë e teprimit me ushqim.
