Deputeti i Lëvizjes Vetëvendosje, Mefail Bajqinovci, ditën e sotme ka bërë një reagim lidhur me dyshimet për manipulim me njehsorët, duke thënë se orët janë vendosur në vitet 2014-2017, dhe se, gjatë kësaj kohe, kryeministre ka qenë Isa Mustafa, ndërsa, ministre e Tregtisë Hykmete Bajrami.
Për këtë, ka reaguar Visar Azemi nga Lidhja Demokratike e Kosovës, duke pyetur Bajqinovcin se pse ‘’po e mbron hajninë’’.
Azemi ka thënë edhe se, Bajqinovci ka heshtur për gjashtë vite, dhe, kur foli për herë të parë, ‘’e mbrojti hajnin’’, ndërsa ‘’nuk kërkoi drejtësi’’.
Postimi:
Pse Mefaili po e mbron hajninë?
Heshti 6 vjet për një skandal që vetë thotë se e paska ditur më herët. Hera e parë që foli, nuk kërkoi drejtësi, e mbrojti hajninë.
Dhe sot po mashtron. Po e largon vëmendjen, e po e mbronë mashtrimin më të madh energjetik. Njëhsorët nuk janë “Iskra”. I kemi 877 mostra. Shihni vetë nëpër shtëpi. Por edhe sikur të ishin, hajnia është hajni, edhe po të ishte e vet Mefailit.
Sepse problemi nuk është emri i pajisjes. Problemi është faturimi i padrejtë, abuzimi dhe mungesa e përgjegjësisë.
Kush e ka ditur dhe ka heshtur, ka bashkëpërgjegjësi. Kush del dhe e relativizon sot këtë skandal, po e mbron këtë hajni.
Prandaj pyetja mbetet e njëjtë:
Mefail, pse po e mbron hajninë?
Këto ditë do të vazhdojmë me zbardhjen e plotë të këtij skandali; deri në Prokurori.
