24 
Kombëtarja e Kosovës në futboll, sot mban stërvitjen e radhës para finales me Turqinë.
Dardanët dhe turqit do të ballafaqohen të martën mbrëma në ‘Fadil Vokrri’ në finalen e pley-off-it për Kupën e Botës 2026.
Kombëtarja jonë dje ka mbajtur seancën e parë para sfidës historike kundër Turqisë, stërvitje në të cilën futbollistët kanë treguar përkushtim maksimal dhe vullnet të lartë gjatë stërvitjes.
Atmosfera në ekipin kombëtar është shumë pozitive, teksa gëzon fakti se të gjithë futbollistët janë në gjendje të mirë fizike dhe plotësisht të gatshëm për sfidën jetike me Turqinë.
Sipas Federatës së Futbollit të Kosovës, stërvitja e radhës e Kombëtares sonë mbahet sot në orën 11:00 në stadiumin ‘Fadil Vokrri’
