Paulina Porizkova, një modele që i dha “flakë” skenës së modës në vitet ’80, festoi së fundmi ditëlindjen e saj të 61-të.
Në prag të ditëlindjes së saj, ajo pozoi me bikini dhe kujtoi se sa larg kishte arritur në pranimin e vetes dhe si përfundimisht ndaloi së kritikuari vazhdimisht pamjen e saj.
“Ndërsa provoj këto bikini të adhurueshme, e kuptoj se sa larg kam arritur në pranimin e vetes. Nesër mbush 61 vjeç. E di që kjo mund t’u tingëllojë çmenduri disave, por 40 vjet më parë, në moshën 21 vjeç, në kulmin e karrierës sime si supermodele, isha në gjendjen time më të pasigurt”, shkroi ajo.
Ajo shpjegoi se një pjesë e arsyes për këtë ishte se njerëzit që e punësonin e krahasonin vazhdimisht me modele të tjera. “Nuk isha kurrë mjaftueshëm e mirë. Sigurisht, një pjesë e problemit ishte se vetëvlerësimi im varej tërësisht nga pamja ime”, shtoi ajo.
Supermodelja, aktorja dhe shkrimtarja çeke-amerikane u bë e famshme ndërkombëtarisht në vitet 1980. Ajo lindi më 9 prill 1965, në atë që atëherë ishte Çekosllovakia, dhe emigroi në Suedi me prindërit e saj kur ishte fëmijë. Ajo fitoi famë ndërkombëtare si modelja e parë nga Evropa Lindore që u shfaq në kopertinën e Sports Illustrated Swimsuit Issue, duke e bërë këtë për dy vjet rresht, në 1984 dhe 1985.
