22 
Kryetari i AAK-së, Ramush Haradinaj, ka kujtuar 3 majin e vitit 1999, kur forcat serbe ndalën kolonën e civilëve nga fshatrat Vraniq, Bukosh, Savrovë e Sopijë, të cilët po dëboheshin me dhunë drejt Shqipërisë.
Sipas tij, nga kjo kolonë 35 vëllezër e motra u ndanë me forcë dhe u masakruan në oborrin e shkollës së Bukoshit, pa u kursyer as të miturit e as të moshuarit.
Përmes një postimi në Facebook, Haradinaj ka theksuar se familje të tëra kanë dhënë gjakun e tyre për lirinë e Kosovës.
“Kjo sakrificë na obligon që të mos ndalemi kurrë në kërkimin e drejtësisë dhe në ndëshkimin e atyre që urdhëruan e kryen krime kundër shqiptarëve”, ka shkruar ai.
