Një atmosferë e veçantë është krijuar në protestë, teksa qindra pjesëmarrës kanë ndezur dritat e telefonave celularë, duke ndriçuar bulevardin dhe duke shoqëruar fjalimet e mbajtura nga podiumi.
Në mesin e mesazheve të përcjella, një protestues u bëri thirrje qytetarëve që të intensifikojnë reagimin e tyre përmes formave të protestës civile. Duke iu referuar figurave historike, ai deklaroi se protestuesit janë të vendosur të vazhdojnë përpjekjet e tyre dhe se nuk ka vend për tërheqje nga kauza që, sipas tij, kanë ndërmarrë
“Dikur Aleksandri i Madh dogji anijet e veta për të thënë që nuk ka kthim pas! Jemi këtu të gjithë me një qëllim, të rrëzojmë sistemin. Revolucion! Thirrja ime për punëtorët e minierave, të call center-ave, bojkotoni, nisni mosbindjen civile”, tha ai.
