27 
34-vjeçari Eglant Koçi, i cili dyshohet se është vrarë nga shoku i tij Armand Shakaj dhe u gjet pas më shumë se dy javësh kërkimesh në zonën e Ibës, do të përcillet sot për në banesën e fundit.
Sipas njoftimit të familjes, ceremonia e varrimit do të zhvillohet në mesditë në varrezat e Shëngjergjit, ndërsa familjarët do të presin ngushëllime gjatë së enjtes, të premtes dhe të shtunës.
Instituti i Mjekësisë Ligjore ka konfirmuar përmes analizave të ADN-së se trupi i gjetur në fshatin Cërruje, në kufirin mes Tiranës dhe Elbasanit, i përket 34-vjeçarit. Identifikimi u bë duke krahasuar kampionin e marrë nga nëna e tij.
