Komiteti për Marrëdhënie me Jashtë i Senatit të Shteteve të Bashkuara të Amerikës ka dalë me një deklaratë zyrtare lidhur me zgjedhjet e zhvilluara të dielën, më 25 tetor, në Serbi.
Në deklaratën e lëshuar nga senatorët Shaheen, Grassley, Durbin, Tillis dhe Coons, vlerësohet pjesëmarrja e qytetarëve në Serbi dhe rezultati i dalë nga kutitë e votimit.
Në letër e kanë përmendur edhe normalizimin e marrëdhënieve me Kosovën.
Sipas Komitetit, “Lista Studentore” parashikohet të fitojë një shumicë vendimtare mandatesh në parlament, duke u përgëzuar për shembullin e dhënë si një lëvizje demokratike paqësore dhe e bazuar në bazë.
Gjithashtu, në deklaratë mirëpritet fakti që partia në pushtet pranoi rezultatet e qarta të zgjedhjeve dhe theksohet roli kritik i vëzhguesve ndërkombëtarë dhe vendorë në sigurimin e një hapësire të lirë qytetare. Senati amerikan ka vlerësuar se ky është një moment kyç për të ardhmen e Serbisë, pasi zgjedhjet sollën zëra të rinj në parlament nga e gjithë shoqëria serbe.
Uashingtoni ka rikonfirmuar përkushtimin për të mbështetur aspiratat e Serbisë për anëtarësim në Bashkimin Evropian, përforcimin e institucioneve demokratike, si dhe përpjekjet për normalizimin e marrëdhënieve me Kosovën. /Gazeta Express.
