Kryeministri Albin Kurti ka paralajmëruar rritjen e mbështetjes për ekipet mbrojtëse të katër ish-krerëve të Ushtrisë Çlirimtare të Kosovës në Hagë.
Qeveria dje miratoi buxhetin e projektuar për vitin 2027. Në atë mbledhje të Ekzekutivit, Kurti tha se me buxhetin e ri parashihet edhe rritja e mbështetjes për ekipet mbrojtëse të Hashim Thaçit, Kadri Veselit, Rexhep Selimit e Jakup Krasniqit.
“Me këtë buxhet është paraparë edhe rritja e mbështetjes për ekipet mbrojtëse të katër ish-udhëheqësve të Ushtrisë Çlirimtare të Kosovës, sipas kërkesës së parashtruar nga ekipet mbrojtëse”, tha ai.
Më herët Qeveria ka miratuar krijimin e një grupi punues që do ta bëjë një strategji për mbrojtjen e ish-krerët me UÇK-së.
“Sigurisht që për pjesën tjetër të angazhimit dhe mbështetjes e presim edhe strategjinë nga Grupi Punues, i cili kryesohet nga zëvendëskryeministri Glauk Konjufca”, tha kryeministri.
Gjykata Speciale më 16 shtator i shpalli fajtorë katër ish-krerët Ushtrisë Çlirimtare të Kosovës, duke i dënuar për krime lufte me nga 13 deri në 25 vjet burgim.
Aktgjykimi u konsiderua gjerësisht si i padrejtë në Kosovë.
