39 
Gjatë konferencës së përbashkët për media të Prokurorisë Speciale, Policisë së Kosovës dhe Agjencisë së Kosovës për Inteligjencë (AKI), janë prezantuar edhe pamjet e disa prej dëshmive të sekuestruara në aksionin kundër narkotikëve.
Në fotografitë e publikuara shihen disa paketime të mbështjella me letër, që dyshohet se përmbajnë substanca narkotike, si dhe një sasi e konsiderueshme parash të gatshme, kryesisht kartëmonedha prej 50 eurosh.
Këto dëshmi lidhen me aksionin e realizuar mbrëmjen e kaluar, gjatë të cilit u arrestuan pesë persona dhe u sekuestruan mbi 37 kilogramë substancë e dyshuar narkotike e llojit heroinë.
