Tetë ushtarë izraelitë u vranë në një shpërthim në Rafah, në Rripin jugor të Gazës, në atë që është episodi me numrin më të madh të IDF-së në enklavë që nga janari.
Këtë e ka bërë të ditur ushtria e shtetit hebre, e cila për momentin ka identifikuar vetëm një ushtar: Kapiten 23-vjeçar Wassem Mahmoud. Familjet e shtatë ushtarëve të tjerë janë njoftuar dhe emrat e tyre do të bëhen publike më vonë.
Tetë të vdekurit besohet se kanë qenë duke vozitur në një autokolonë pas një ofensive gjatë natës kundër Hamasit dhe kanë vdekur brenda një automjeti të blinduar.
Bëhet e ditur se ky sulm vjen në mes të ofensivës së vazhdueshme të Izraelit atje dhe operacionit të tij për të shpëtuar pengjet e mbetura të marra nga militantët e Hamasit më 7 tetor, shkruan skynews.
Ndryshe, më shumë se 37 mijë palestinezë janë vrarë që nga fillimi i konfliktit, sipas autoriteteve shëndetësore të drejtuara nga Hamasi në Gazë.
Ndërsa incidenti i fundit konsiderohet si më vdekjeprurësi për ushtarët izraelitë që nga janari, kur 21 ushtarë u vranë nga shembja e dy ndërtesave në Gaza qendrore.
