Vendimi erdhi në vetëm disa centimetra, në dëm të Kroacisë.
Të mposhtur thellë nga Spanja (0-3) këtë të shtunë, ballkanasit menduan për pak çaste se e kishin ngushtuar rezultatin me Bruno Petkovic në fund të ndeshjes (1-3, 78’), përpara se VAR të zbulonte, se Ivan Perisic kishte hyrë në shpejt në zone, pas një penalltie të shpëtuar nga Unai Simon.
Gjyqtari anglez u mbështet dukshëm në nenin 14.2 të ligjeve të lojës të vendosura nga Bordi i Shoqatës Ndërkombëtare të Futbollit (IFAB), në lidhje me “shkeljen” e një lojtari pas një penalltie të humbur.
“Shoku i skuadrës së gjuajtësit do të penalizohet në rast shkeljeje vetëm nëse: lojtari që e ka kryer atë luan topin, ose e kundërshton atë me një kundërshtar, pastaj shënon gol, tenton të shënojë gol ose ofron një mundësi shënimi,” – dekretoi ai.
Kështu ndodhi për Perisicin, i pranishëm në zonë para tentativës së Petkoviçit, të cilit topi iu kthye një herë i sprapsur nga portieri spanjol. Unai Simon largoi topin pas shpjegimeve të zotit Oliver për Perisic, i cili mbeti i hutuar.
