Pavarësisht mbështetjes së fillimit, marrëdhëniet janë acaruar më tej mes administratës së presidentit amerikan Joe Biden dhe Benjamin Netanyahut lidhur me kritikat e kryeministrit izraelit ndaj dërgesave të armëve amerikane.
Polemika filloi kur Netanyahu pretendoi në një video të postuar në mediat sociale në fillim të kësaj jave se administrata e Biden – aleati më i vendosur ushtarak dhe politik i Izraelit – po mbante armë dhe municione dhe nuk po ia dërgonte vendit të tij.
Zyrtarët e lartë amerikanë reaguan shpejt kundër pretendimit të Netanyahut.
“Ato komente ishin thellësisht zhgënjyese dhe sigurisht shqetësuese për ne, duke pasur parasysh sasinë e mbështetjes që kemi dhënë dhe do të vazhdojmë të ofrojmë,. Asnjë vend tjetër nuk po bën më shumë për të ndihmuar Izraelin të mbrohet kundër kërcënimit të Hamasit”, u tha gazetarëve zëdhënësi i Këshillit të Sigurisë Kombëtare të SHBA, John Kirby.
Kirby ishte zyrtari i dytë i administratës që mohoi pretendimin e Netanyahut.
Sekretarja e shtypit e Shtëpisë së Bardhë, Karine Jean-Pierre, u tha gazetarëve një ditë më parë se administrata e Netanyahut nuk e dinte se për çfarë po fliste.
Megjithatë, Netanyahu u duk se e shpoërsoi reagimin e tij më vonë, duke pretenduar se ishte i përgatitur të përballonte sulme personale me kusht që Izraeli të merrte municionet nga SHBA-të që i nevojiten në luftë për ekzistencën e tij.
