Presidentja Vjosa Osmani në vizitën e saj në ShBA është takuar edhe me sekretarin e Departamentit të Shtetit në Washington D.C., në kuadër të Samitit të NATO-s, Antony Blinken.
Osmani e ka falënderuar për pritjen, ndërsa ka shkruar se aleanca me ShBA-të, është gurthemel për stabilitetin dhe prosperitetin global.
“Faleminderit Sekretarit Blinken për pritjen dhe diskutimin e sotëm në Departamentin e Shtetit në Washington D.C., në kuadër të Samitit të NATO-s”, ka thënë Osmani.
Postimi i plotë:
Faleminderit Sekretarit Blinken për pritjen dhe diskutimin e sotëm në Departamentin e Shtetit në Washington D.C., në kuadër të Samitit të NATO-s.
Aleanca me SHBA-të nuk është vetëm një dëshmi e vlerave dhe parimeve tona të përbashkëta demokratike, por edhe një gurthemel për stabilitetin dhe prosperitetin global. /EO
