Shokuese janë pamjet e një videoje të publikuar, që tregojnë momentin kur 58-vjeçarja Leticia Gonzalez Triplett u mbyt në një pishinë mëngjesin e shkurtit të kaluar, ndërsa pushuesit e tjerë nuk bënë asgjë për ta ndihmuar.
Në video, Triplett shihet në cekëtinën e një pishine në një qendër sportive në Las Vegas, SHBA, kur papritmas filloi të kishte vështirësi të qëndronte në ujë.
Sipas pamjeve, 58-vjeçarja u përpoq për 25 minuta të shpëtonte veten pa bërë asgjë në zonën e pishinës për ta ndihmuar. Në të njëjtën video, Triplett shihet duke u përpjekur të kapet për shkallët e pishinës, pa rezultat, ndërsa ajo që është akoma më tronditëse është se edhe pasi kishte marrë frymën e fundit, aty po kalonin njerëz të tjerë, të pavëmendshëm për tragjedinë që kishte ndodhur.
Një avokat i qendrës sportive tha se Triplett, e cili ishte një veterane i Forcave Ajrore të SHBA, po ecte me paterica përpara se të hynte në pishinë. Në të njëjtën kohë, mbetet e paqartë nëse gruaja fatkeqe ka thirrur për ndihmë. I njëjti avokat deklaroi se vdekja e 58-vjeçares ka ardhur nga një atak kardiak dhe se një tragjedi e tillë nuk kishte ndodhur asnjëherë në qendrën sportive në fjalë.
