Policia e Kosovës ka arrestuar të premten një zyrtar të Parkut Nacional Sharri.
I arrestuari është R.K, 56-vjeçar, te cilit pas kontrollit iu gjet një pistoletë në veturën me tabela zyrtare. Gjithashtu, pas kontrollit të shtëpisë së tij i është gjetur një pushkë.
Të dyja armët ishin pa leje adekuate nga organet përgjegjëse.
Lajmin e ka konfirmuar sot zëdhënësi i policisë për rajonin e Prizrenit, Shaqir Bytyqi.
“Në Prizren dje me datë 23.08.2024, rreth orës 22:00 policia, për shkak të disa dyshimeve, kanë kontrolluar një person zyrtar të Parkut Nacional I cili ishte me automjet zyrtar me tabela zyrtare. Gjatë kontrollit të dyshimtit I është gjet një armë zjarri -pistolet Glock me dhjet fishek. Gjithashtu me urdhër të prokurorit është kontrolluar edhe shtëpia e të dyshuarit në Prizren dhe është gjet nje pushkë. Të dyja armët ishin pa leje adekuate nga organet përgjegjëse.
Pas intervistimit të dyshimtit me vendim të prokurorit I dyshuari (R.K. 56 vjeçar) është ndaluar për 48 orë dhe kundër tij do ngritet kallëzim penal për veprën penale ” Mbajtje në pronësi, posedim apo kontroll i pa autorizuar i armës”, tha Bytyqi.
