Vizita e shefit të CIA-s, William Burns në vendet e Ballkanit Perëndimor, vazhdon të jetë ende temë diskutimi. Në vizitën e tij të paparalajmëruar Burns fillimisht vizitoi Bosnje e Hercegovinën, pastaj Serbinë dhe Kosovën.
Ka pasur shumë opinione dhe supozime për atë se çfarë është diskutuar në këto takime dhe çfarë mesazhe ka përcjellur shefi i CIAs në secilin takim.
BBC raporton se në takimet që pati në Serbi, shefi i CIA-s më së shumti u fol për Kosovën.
“Temat me zyrtarët serbë kanë qenë më shumë politike sesa inteligjencë dhe në takime më së shumti është diskutuar për Kosovën, mëson jozyrtarisht BBC”, shkruan BBC.
Kosova ishte destinacioni i fundit i këtij turneu të Burns-it.
Në Prishtinë, më 22 gusht, ai u takua me presidenten e Kosovës, Vjosa Osmani, kryeministrin Albin Kurti dhe kreun e Agjencisë së Inteligjencës së Kosovës (AKI), Petrit Ajeti.
