Sulmuesi i Napolit dhe Nigerisë, Victor Osimhen, 25 vjeç, do të preferonte një transferim te Chelsea sesa transferimi i përfolur në një klub në Arabinë Saudite.
Chelsea dhe Napoli kanë arritur një marrëveshje verbale për transferimin e Romelu Lukakut, në një marrëveshje që më në fund mund të hapë derën për klubin e Premierligës për të bërë një lëvizje për Victor Osimhen.
Osimhen është një objektiv afatgjatë për Chelsea dhe largimi i afërt i Lukakut, në një marrëveshje me vlerë fillestare prej 25 milionë £, do t’i lejojë ata të vënë në lëvizje planet e tyre të transferimit, ndërsa kërkojnë të forcojnë skuadrën e tyre me një qendërsulmues të ri.
Enzo Maresca, kryetrajneri i Chelseat, kishte thënë se klubi do të tentojë të nënshkruajë një “nëntë” para përfundimit të afatit kalimtar të verës. “Nëse kemi mundësinë të sjellim një nëntë që mund të na ndihmojë dhe të bëjë diferencën, atëherë do të përpiqemi”, tha Maresca.
E ardhmja e Osimhen ka qenë subjekt i spekulimeve të vazhdueshme për muaj të tërë, me 25-vjeçarin tani në dy vitet e fundit të kontratës së tij me Napolin.
