Vuçeviq thotë se gjatë vizitës sëMacronit në Serbi, do të bisedohet edhe për situatën në Kosovë

Kryeministri serb Millosh Vuçeviq tha se gjatë vizitës së presidentit francez Emmanuel Macron në Serbi do të flitet edhe për Kosovën.

Sipas Vuçeviq presidenti serb Aleksandar Vuçiq dhe Macron do të diskutojnë për marrëdhëniet dypalëshe, por edhe për situatën politike dhe gjeopolitike, si dhe situatën në Kosovë, luftërat në Ukrainë dhe Rripin e Gazës.

“Do të ketë diskutime edhe për perspektivën evropiane të Serbisë. Do të diskutohet se si presidenti Macron, si president i një prej dy shteteve më të forta anëtare të Bashkimit Evropian, e sheh perspektivën e mëtejshme të Serbisë”, shkruan B92 duke cituar Vuçeviqin