Atasheu i Mbrojtjes të Italisë në Kosovë, kolonel Stefano Angioni, ishte në një takim lamtumirës te ministri i Mbrojtjes, Ejup Maqedonci, së bashku me ambasadorin e Republikës së Italisë, Antonello De Riu.
Për takimin e djeshëm ka njoftuar sot ambasada italiane në X, e cila tha se Italia është e përkushtuar ndaj sigurisë në Kosovë dhe përmendi që janë 1065 ushtarakë të saj në kuadër të KFOR-it për këtë qëllim
“Një takim vërtet i këndshëm me Ejup Maqedoncin për t’ia dhënë lamtumirën Atasheu Ushtarak italian Stefano Angioni. Italia mbetet e përkushtuar ndaj sigurisë së Kosovës dhe stabilitetit me 1065 ushtarakët e saj të përfshirë KFOR dhe synon të forcojë më tej bashkëpunimin e saj dypalësh”, shkroi ambasada.
Ndërkaq, edhe ministri falënderoi kolonel Angionin për shërbimin e tij dhe kontributin e dhënë në avancimin e kapaciteteve të FSK-së, si dhe rritjen e bashkëpunimit bilateral me Forcat e Armatosura të Italisë.
