Imazhet e para të stadiumit të ri të Manchester United janë zbuluar pasi planet për t’u larguar nga Old Trafford janë konfirmuar.
Planet për një stadium të ri të United u konfirmuan në gusht të këtij viti, pasi pronarët e rinj INEOS kërkojnë të krijojnë një stadium me rëndësi kombëtare.
Në krye të grupit të punës për stadiumin e ri është ish-lodi olimpik Sebastian Coe, ish-mbrojtësi i United Gary Neville dhe Andy Burnham, kryebashkiaku i Mançesterit të Madh.
Dhe ndërsa në konferencën e Partisë Laburiste në Liverpool, Burnham zbuloi imazhet e para të stadiumit të ri, i cili do të zëvendësojë Old Trafford-in aktual prej 74,000 vendesh.
Ndërsa fillimisht u konsiderua një rizhvillim i Old Trafford, United në vend të kësaj do të vazhdojë me planin për të ndërtuar një stadium të ri 100,000 vendesh që besohet të kushtojë rreth 2 miliardë paund, me arkitektin britanik Sir Norman Foster që krijon projektet.
Teksa shpalosi pamjen e parë të planeve, Burnham foli për ambiciet për stadiumin e ri.
“Ky do të ishte lokacioni i vetëm më i rëndësishëm i futbollit në botë”, tha Burnham për Sky Sports.
“Do të thotë se veriperëndimi i Anglisë ka infrastrukturën më të mirë të futbollit se kudo tjetër në planet.
“Kjo do të krijonte një zhvillim në perëndim të Mançesterit të Madh për të balancuar atë që Manchester City ka bërë në lindje.”
