Policia e Kosovës ka njoftuar rreth realizimit të Aktiviteteve Operacionale sipas planit ROADPOL për muajin Shtator 2024 – “Ditët e Sigurisë 16-22.09.2024”.
“Në kuadër të javës të aktiviteteve sipas planit ROADPOL 2024 (Rrjeti Evropian i Policive Rrugore), që është realizuar nga data 16 deri 22 shtator 2024, policia ka shtuar prezencën dhe kontrollin në të gjitha rrugët e vendit”, thuhet në njoftim
Qëllimi është rritja e sigurisë në trafikun rrugor dhe në parandalimi i aksidenteve, ku në fokus ka pasur aktivitete që lidhen me “ditët e sigurisë”, konkretisht me kontrollin e shpejtësisë, përdorimin e telefonit mobil gjatë ngasjes, përdorimin e rripit të sigurisë, këmbësorët në rrugë, përdorimi i helmetës si dhe realizimin e ligjëratave dhe aktiviteteve me nxënës në rrugë,
Në vazhdim policia ka dhënë detaje në shifra në lidhje me keto aktivitete ku thuhet se: njësitë e trafikut të angazhuara në këtë plan kanë realizuar 2,862 pika të kontrollit të automjeteve, kanë kontrolluar 13,174 automjete, kanë mbajtur 121 ligjërata në institucione shkollore, kanë realizuar 76 aktivitete me nxënës në rrugë dhe për parregullsitë e identifikuara gjatë javës së sigurisë për kundërvajtësit kanë shqiptuar 7,249 gjoba.
