Marash Kumbulla protagonist. Mbrojtësi i Kombëtares shqiptare ka shënuar golin e parë me fanellën e Espanyol.
Kumbulla ndëshkoi Majorkën, në ndeshjen e kampionatit, të luajtur në RCDE Stadium (Cornella de Llobregat).
24-vjeçari shfrytëzoi në maksimum një krosim të Jofre, teksa i shpëtoi mbulimit të kundërshtarit dhe me një goditje me kokë, dërgoi topin në fundin e rrjetës.
Kumbulla po luan ndeshjet e para me Espanyol, ku deri me tani është angazhuar në 7 takime.
Ai është grumbulluar nga trajneri Sylvinho për 2 ndeshjet e radhës në Nations League, ndaj Çekisë dhe Gjeorgjisë.
