Fituesi 35-vjeçar i Kupës së Botës luajti ndeshjen e tij të fundit për Paris Saint-Germain në fillim të këtij muaji dhe dukej i vendosur për një rikthim te Barcelona ose te skuadra saudite Al-Hilal.
Sidoqoftë, Messi në vend të kësaj, ka rënë dakord për një marrëveshje për të luajtur në MLS. I shpallur si lojtari më i madh i të gjitha kohërave, argjentinasi shënoi 672 gola në 778 paraqitje në një qëndrim legjendar në Camp Nou. Ndikimi i tij është zvogëluar që kur shkoi në Paris në 2021, megjithëse 32 gola në 75 paraqitje përfaqësuan ende një kthim të mirë.
Dhe frymëzimi i Argjentinës për titullin e Kupës së Botës në Katar në vitin 2022 ishte qershia mbi tortën e një karriere historike. Ai tani do të luajë futboll profesionist jashtë Evropës, për herë të parë teksa i bashkohet një skuadre nga Miami, që gjendet në fund të Konferencës Lindore.
