Nëpërmjet postimit në facebook bëhet e ditur se Ministri i Punëve të Brendshme Xhelal Sveçla po qendron në vizitë në Bullgari i cili është pritur nga homologu Bullgar Atanas Ilkov. Sipas njoftimit të Ministri Sveçla në këtë takim është biseduar për gjendjen e përgjithshmë të sigurisë dhe problemet globale.
Ministri Sveçla ka njoftuar se në këtë takim janë dakorduar për thellimin e bashkëpunimit mes dy vendeve në mënyrë që të kontribuohet në rritjen e sigurisë në rajon.
Postimi i plotë:
Isha i nderuar të takoj Ministrin e Brendshëm të Bullgarisë Atanas Ilkov sot në Sofie, ku biseduam për situatën e përgjithshme të sigurisë dhe sfidat globale që na bashkojnë për t’i zgjidhur.
U pajtuam për thellimin e bashkëpunimit mes dy vendeve tona në fushat që mbulojmë, në mënyrë që të arrihen me sukses qëllimet e përbashkëta për një rajon të qetë e të sigurt. Falënderova Ministrin Ilkov për mbështetjen e vazhdueshme të Republikës së Bullgarisë për shtetformin në të kaluarën dhe proceset integruese të vendit tonë tani.
Gjithashtu, në takimin e Forumit të Salzburgut, në fjalën time në sesionin për migracion, ndër të tjera theksova rezultatet e Republikës në këtë fushë dhe përkushtimin tonë për të luftuar çdo ilegalitet që minon paqen dhe stabilitetin kudo.
