Frikë e madhe për Uanda Narën, e cila u rrëzua gjatë episodit të fundit të “Bake Off Celebrities” në Argjentinë.
Bashkëshortja e Mauro Ikardit ishte në pozicionin e konkurrentit kur, papritur, u rrëzua përtokë. I pari që e ndihmoi ishte shefi i kuzhinës, Damian Betular.
“Djema, Uanda ra, më duket se u vra”, – deklaroi ai duke pasur frikë nga më e keqja. Këngëtarja Kande Molfese, gjithashtu duke konkurruar në spektaklin e gatimit, bërtiti disa herë emrin e Uandës.
“Shefat do të përfundojnë duke më vrarë mua në këtë shfaqje”, – u ankua Uanda Nara pasi u ngrit. 37-vjeçarja ka shpjeguar se në atë pjesë të studios, dyshemeja ishte shumë e rrëshqitshme dhe takat e larta nuk e ndihmonin.
Fatmirësisht, nuk pati pasoja. Vetëm mikrofoni i Uandës u prish dhe u zëvendësua menjëherë nga teknikët e pranishëm. Aktorja Vera Lozano, gjithashtu pjesëmarrëse në emision, pranoi se nuk është hera e parë që ndodh: “Është hera e dytë që dikush bie në të njëjtin vend. Duhet të ketë një dridhje të çuditshme”.