Ukraina nuk do të shohë ndonjë kufizim të ri në përdorimin e armëve amerikane kundër forcave të Koresë së Veriut nëse ato hyjnë në luftë kundër forcave ukrainase, tha Pentagoni të hënën, pasi vlerësoi se 10,000 trupa të Koresë së Veriut ishin dislokuar në Rusinë lindore për stërvitje.
“Një pjesë e atyre ushtarëve tashmë janë afruar me Ukrainën dhe ne jemi gjithnjë e më të shqetësuar se Rusia synon t’i përdorë këta ushtarë në luftime ose për të mbështetur operacionet luftarake kundër forcave ukrainase në rajonin e Kurskut të Rusisë pranë kufirit me Ukrainën,” tha zëdhënësja e Pentagonit Sabrina. Singh.
Sekretari i Përgjithshëm i NATO-s Mark Rutte tha më herët të hënën se njësi ushtarake nga Koreja e Veriut janë vendosur në rajonin Kursk të Rusisë, të cilin forcat ukrainase e kapën në një ofensivë të papritur verore.
Singh nuk pranoi të konfirmojë se forcat e Koresë së Veriut ishin të pranishme në Kursk.
“Ka të ngjarë që ata të lëvizin në atë drejtim drejt Kurskut. Por nuk kam ende më shumë detaje,” tha Singh.
