Legjenda e aktrimit Sir Michael Caine është ende duke bërë bujë në karrierën e tij teksa shkruan romanin e tij debutues thriller në moshën 90-vjeçare. I quajtur Deadly Game, romani ndjek një detektiv të policisë Metropolitane që zbulon një sipërmarrje të madhe kriminale.
Do të publikohet në nëntor nga Hodder & Stoughton dhe do t’i prezantojë lexuesit me DCI Harry Taylor, i cili kryeson një ekip të vogël oficerësh të Met. Thuhet se aktori gjithmonë ka dashur të shkruajë një libër të tijin, por e pati mundësinë vetëm gjatë bllokimit të Covid-19. Ai e mori idenë për librin kur lexoi një histori për dy grumbullues mbeturinash që zbuluan uranium në një vendgrumbullim në Londrën Lindore. Bazuar në një përmbledhje të marrë nga The Times, detektivi thirret kur një paketë e tillë gjendet, e braktisur në mënyrë misterioze në Stepney dhe e vjedhur përpara se policia ta kërkojë atë.
Kejni komentoi romanin, duke thënë: “Ka qenë ambicia ime prej vitesh të shkruaj një thriller. Është zhanri që më pëlqen të lexoj më shumë dhe isha shumë i emocionuar të punoja në Deadly Game dhe të bashkëpunoja edhe një herë me Hodder për ta nxjerrë atë. Shpresoj që lexuesit të kënaqen të mësojnë për Harry Taylor po aq sa unë.
