Kompania e aktorëve Artists Equity “nuk ishte në dijeni dhe nuk pranoi” për ndonjë përfshirje
Kompania Artists Equity e Ben Affleck dhe Matt Damon, ka dënuar përdorimin e një zëri nga filmi i saj i fundit Air, i cili tregon historinë e krijimit të atleteve Nike Air Jordan të miratuar nga Michael Jordan në një video të fushatës së Donald Trump. Në një deklaratë të postuar në mediat sociale, Artists Equity tha se nuk ishte konsultuar apo nuk ishte dhënë pëlqimi për përdorimin e zërit. “Ne nuk ishim në dijeni, nuk kemi pranuar dhe nuk miratojmë asnjë filmim apo audio të Air të ripërcaktuar nga fushata e Trump si reklamë politike ose për ndonjë përdorim tjetër”. Trump e postoi videon në Truth Social, platformën e mediave sociale që ai themeloi në vitin 2021. Ajo përbëhet nga një seri klipesh që shfaqin Trump në faza të ndryshme të jetës së tij, të redaktuar së bashku me audio nga Air, të folur nga Matt Damon në karakterin si ekzekutiv i marketingut sportiv Sonny Vaccaro.
Audioja përmban rreshta si: “Paraja mund të të blejë pothuajse çdo gjë, nuk mund të të blejë pavdekësinë. Atë, duhet ta fitoni” dhe “Do të kujtoheni përgjithmonë, sepse disa gjëra janë të përjetshme”. Prodhuesit e klipit eliminuan referenca specifike për Jordanin në fjalimin e Damon (si Vaccaro), por mbajtën rreshta si: “Një këpucë është thjesht një këpucë derisa dikush të futet në të. Pastaj ka kuptim. Trump deklaroi kandidaturën e tij për një mandat të dytë presidencial në nëntor 2022 dhe mohoi se do të tërhiqej pavarësisht se ishte akuzuar për 37 akuza penale në lidhje me keqpërdorimin e dokumenteve konfidenciale dhe pengimin e hetimit të Departamentit të Drejtësisë të SHBA.
